این آراو 2 سے مستفید ہونیوالاسلیمان بھی بھاشن دے رہا،عمرسرفرازچیمہ

لاہور:مشیر داخلہ پنجاب عمر سرفراز چیمہ نے کہا ہے کہ این آر او 2 سے مستفید ہونے والا سلیمان شہباز بھی بھاشن دے رہا ہے۔عمر سرفراز چیمہ نے وزیراعظم کے صاحبزادے سلیمان شہباز کے بیان پر ردعمل دیتے ہوئے کہا ہے کہ سلیمان شہباز کے والد نے کلین چٹ دلانے کیلئے ڈگی سمیت سب حربے استعمال کئے، اربوں روپے لوٹنے والے کو جیل میں ہونا چاہیے تھا مگر کرپٹ ٹولہ لٹیروں کو پروٹوکول دے رہا ہے سرٹیفائیڈ لٹیرے ملک پر قابض ہوگئے ہیں۔

انہوں نے کہا کہ شریف فیملی نے معاشرے میں کرپشن اور منی لانڈرنگ کا زہر گھولا، شریف خاندان کی کرپشن کی غضب کہانیاں زبان زد عام ہیں، اسحاق ڈار نے برملا اعتراف کیا کہ وہ شریف خاندان کیلئے منی لانڈرنگ کرتا تھا۔انہوںنے کہا کہ شریف خاندان ایون فیلڈ، مے فیئرز کے اربوں روپے کے اثاثوں کے ثبوت  جمع نہیں کرواسکا۔