گھوٹکی : مویشی چوروں کی فائرنگ سے شہری جاں بحق

گھوٹکی  : مویشی چوروں  اور اہل علاقہ کےد رمیان فائرنگ سے چور ہلاک، ایک شہری جاں بحق۔ تفصیلات کے مطابق عادل پور کے علاقے میں  نصف درجن سے زائد چور ایک  گھر سے دو بھینسیں چوری کرکے لئے گئے، اہل علاقہ نےچوروں کو کارو گھاٹ کے مقام پر محاصرہ کرلیا۔

اس دورن مویشی چوروں کے فائرنگ سے شہری منیر کلوڑ جاں بحق ہوگیا۔ جوابی فائرنگ سے ایک چور ہلاک ہوگیا۔ جس کی شناخت زمان میرانی کے نام سے ہوئی ہے، جو چند روز قبل ہی جیل سے ضمانت پر رہا ہوکر آیا تھا اور چوری کے متعدد مقدمات میں مطلوب تھا۔

جاں بحق شہر کے ورثاء نے پولیس کی جانب سے تاخیر سے پہنچنے پر شاہراہ پر احتجاج کرتے ہوئے ذمے دار پولیس اہلکاروں اور مفرور  ملزمان  کی خلاف فوری کارروائی کا مطالبہ کیا ہے۔