پنجاب کے میدانی علاقوں میں شدید دھندکا راج،موٹرویز بند

اسلام آباد(اُمت نیوز)پنجاب کے میدانی علاقے میں شدید دھند کےباعث موٹر ویز کو کئی مقامات سے بند کر دیا گیا ہے۔
موٹر وے ترجمان کے مطابق دھند کی وجہ سے لاہور ملتان موٹر وے فیض پور سے درخانہ، موٹر وے ایم ٹو لاہور سے کوٹ مومن اور موٹر وے ایم فور پنڈی بھٹیاں سے عبدالحکیم تک اور سیالکوٹ موٹر وے لاہور سے سمبڑیال تک بند کردی گئی ہے۔
حد نگاہ کم ہونے سےجی ٹی روڈز پر ٹر یفک کی روانی متاثر ہے،شہری غیر ضروری سفر سے گریز کریں اور گاڑیاں چلانے والے افراد فوگ لائٹس کا استعمال کریں۔
مزید معلومات اور مدد کے لیے ہیلپ لائن 130 پر موٹر وے پولیس سے رابطہ کیا جاسکتا ہے