پی ٹی آئی کا وفد کل اسپیکر سے ملاقات کرے گا

اسلام آباد:قومی اسمبلی کے اسپیکر راجہ پرویز اشرف تحریکِ انصاف کے وفد سے آج ملنے کو تیار ہیں مگر پی ٹی آئی کی جانب سے آج ملنے سے انکارکر دیا گیا۔

ذرائع کے مطابق اسپیکر قومی اسمبلی راجہ پرویز اشرف نے پی ٹی آئی کے چیف وہپ عامر ڈوگر کو فون کیا ہے۔

ذرائع نے بتایا ہے کہ قومی اسمبلی کے اسپیکر راجہ پرویز اشرف نے عامر ڈوگر سے فون پر کہا ہے کہ ملاقات کے لیے اپنے چیمبر میں موجود ہوں۔عامر ڈوگر نے انہیں جواب دیا ہے کہ پی ٹی آئی کا وفد کل ملاقات کے لیے آئے گا۔