ڈیرہ اسماعیل خان: پولیس اسٹیشن پردہشتگرد حملہ، 4 اہلکار زخمی

ڈیرہ اسماعیل خان (اُمت نیوز)ڈیرہ اسماعیل خان میں ٹکواڑہ پولیس اسٹیشن پر دہشت گردوں کے حملے میں 4 اہلکار زخمی ہو گئےہیں
تفصیلات کے مطابق تحصیل کلاچی کے علاقے ٹکواڑہ میںدہشت گردوں نے پولیس اسٹیشن پر علی الصبح 3 اطراف سے حملہ کیا۔
حملے میں راکٹ لانچر اور دستی بموں سمیت دیگر جدید ہتھیاروں کا بھی استعمال کیا گیا ہے۔
پولیس کی جانب سے جوابی کارروائی کے بعد دہشت گرد فرار ہو گئے۔
مقابلے میں 4 پولیس اہلکار زخمی ہوئے ہیں جنہیں طبی امداد کے لیے اسپتال منتقل کر دیا گیا ہے۔
پولیس نے کلاچی سمیت ضلع بھر کی سیکیورٹی بڑھا دی ہے۔ علاقے میں سرچ آپریشن شروع کر دیا ہے