زرمبادلہ کے ذخائر صرف 2ارب 91کروڑ ڈالر رہ گئے

کراچی(کامرس ڈیسک)ملکی زرمبادلہ کے ذخائر 9 سال کی کم ترین سطح پر آگئے ۔ قومی خزانے میں اب صرف 2ارب 91 کروڑ ڈالر باقی ہیں

ایک ہفتے کے دوران زرمبادلہ کے ذخائرمیں17کروڑ ڈالر کی مزید کمی  ہوئی جس کے بعد پاکستان کے ڈالر ذخائر 9 سال کی کم ترین سطح پر آگئے۔

اعداد وشمار کے مطابق اسٹیٹ بینک کے پاس 3 ارب ڈالر سے بھی کم ذخیرہ رہ گیا۔ سرکاری خزانے میں اس وقت 2ارب91 کروڑ ڈالر ہیں۔

رپورٹ کے مطابق پاکستان کے مجموعی ڈالر ذخائر کا حجم ساڑھے 8ارب ڈالر ہے۔ سرکاری ذخائر 2 ارب91 کروڑ ڈالر اور بینکوں کے پاس5 ارب62 کروڑ ڈالر موجود ہیں

مرکزی بینک سے جاری اعلامیے کے مطابق 3 فروری 2023 کو ختم ہونے والے ہفتے کے دوران بیرونی قرضوں کی ادائیگیوں کی وجہ سے زرمبادلہ کے ذخائرمیں کمی ہوئی ہے۔