سونے کی فی تولہ قیمت میں 1200 روپے اضافہ

کراچی: پاکستان میں سونے کی فی تولہ قیمت میں 1200 روپے کا غیر معمولی اضافہ ہوگیا۔

ملکی صرافہ مارکیٹوں میں کاروباری ہفتے کے پہلے روز ہی سونے کی فی تولہ اور دس گرام قیمت میں بالترتیب 1028 روپے اور 1200 روپے کا اضافہ ہوگیا۔

قیمتوں میں اضافے کے نتیجے میں کراچی، حیدرآباد، ملتان، لاہور، پشاور، راولپنڈی، فیصل آباد، اسلام آباد اور کوئٹہ کی صرافہ مارکیٹوں میں سونے کی فی تولہ قیمت بڑھ کر 2 لاکھ 9 ہزار 500 روپے اور 10 گرام سونے کی قیمت اجافے کے بعد 1 لاکھ 79 ہزار 612 روپے ہوگئی۔

دوسری جانب بین الاقوامی بلین مارکیٹ میں سونے کی فی اونس قیمت میں ایک ڈالر کا اضافہ ہوا، اور عالمی مارکیٹ میں فی اونس سونے کی قیمت 1970 ڈالر کی سطح پر پہنچ گئی۔