مالکن کی جان بچانے والی بلی نے قومی مقابلہ جیت لیا

خاتون کے شوہر نے دیکھا کہ وہ نیم بے ہوش ہیں اور فوری طور پر ایمبولینس بلائی گئی۔ رے نے بتایا کہ وہ ٹی وی دیکھتے ہوئے سوگئے تھے اور چار بجے بلی نے انہیں بیدار کیا تو دیکھا کہ وہ ان کے پاؤں کے پاس اچھل رہی ہے اور انہیں کاٹ رہی ہے۔

وِلو عموماً ایسا نہیں کرتی اور یہی وجہ ہے کہ وہ اس کے ساتھ سیڑھیاں چڑھ کر اپنی بیگم کے کمرے میں گئے۔ اس دوران بلی بار بار رک کر انہیں دیکھ رہی تھی کہ گویا وہ انہیں بلا رہی ہے۔ ایک موقع پر خاتون بالکل بے ہوش ہوچکی تھیں۔

امینڈا کو فوری طور پر ہسپتال لے جایا گیا جہاں ابتدائی طبی امداد دی گئی اور وہ بالکل ٹھیک ہوگئیں۔ اس کے بعد گھروالوں نے وِلو کو ہیرو بلی کہنا شروع کردیا کیونکہ اس نے فوری طور پر اپنی مالکن کی خرابی صحت کو بھانپ لیا تھا اور مالک کو اس کی اطلاع بھی دی تھی۔

ہسپتال سے واپسی کے بعد بلی کو بہت چوکنا دیکھا گیا اور وہ مالکن کے چہرے کے پاس آکر ٹھہرتی تھی کہ سانس کی آمدورفت محسوس کرسکے۔ اسی بنا پر برطانیہ میں بلی کے سالانہ مقابلے میں ’وِلو‘ کو اول انعام دیا گیا ہے۔ اس اعزاز کے لیے صارفین سےآن لائن ووٹ طلب کئے گئے تھے۔