پٹرول کی قیمت میں نمایاں کمی کا امکان

اسلام آباد(امت نیوز) یکم جون سے پٹرول کی قیمت میں 10 روپے فی لٹرکمی کا امکان ظاہر کیا جا رہا ہے۔ پیٹرولیم انڈسٹری حکام کا کہنا ہے کہ پٹرول کی ایکس ریفائنری قیمت میں اگلے پندرہ دن تک 10 سے 12 روپے کی کمی دکھائی دے رہی ہے تاہم ایکسچینج ریٹ ایڈجسٹمنٹ سے صرف 10 روپے فی لٹر تک ریلیف مل سکے گا۔

ڈیزل کی سابق ریفائنری قیمت میں 4-5 روپے فی لٹر کی کمی دکھائی دے رہی ہے اور حکومت آنے والے پندرہ روز میں قیمت کم کرنے کا جائزہ لے گی۔