سندھ :افسران کے تقرر وتبادلے،اختیارات متعلقہ محکموں کے وزراء کومنتقل

کراچی(اسٹاف رپورٹر)سندھ میں 19 گریڈ کے افسران کی تقرری اور تبادلوں کے اختیارات چیف سیکریٹری سندھ نے متعلقہ محکموں کے وزراء کوسونپ دیے ہیں۔وزیر اعلیٰ سندھ کی سمری منظوری کے بعد حکم نامہ جاری کر دیا گیا ہے۔ اس سے قبل صحت، اسکول، اور کالجز کے 19 گریڈ کے افسران کے تبادلے سے متعلق فیصلے وزراء کی منظوری کے بعد چیف سیکریٹری کو بھجوائے جاتے تھے۔

نوٹیفکیشن کے مطابق متعلقہ محکمہ کو اب مکمل اختیار ہے کے 19 گریڈ کے افسران کی تعیناتی اب وہ خود کر سکیں گے۔ ذرائع چیف سیکریٹری سندھ کے مطابق چیف سیکریٹری کے اس فیصلے کے بعد اب سروسز اینڈ جنرل ایڈمنسٹریشن پر کام کا دباؤ کم ہو گا۔