پنجاب میں غیرت کے نام پر 2لڑکیاں اور نوجوان قتل

بھلوال ؍ فیصل آباد(مانیٹرنگ ڈیسک)پنجاب میں دو مختلف واقعات میں غیرت کے نام دو لڑکیوں اور نوجوان کو قتل کردیا گیا،بھلوال میں والد نے بیٹی کو آشناسمیت ٹوکے سے موت کے گھاٹ اتارا، فیصل آبادمیں باپ نے تیزاب پلاکر بیٹی کو ماردیا۔پہلا واقعہ تحصیل بھلوال میں پیش آیا، جہاں دہرے قتل کی واردات ہوئی، اور والد نے اپنی بیٹی کو اس کے مبینہ آشنا سمیت قتل کردیا۔پولیس کے مطابق نواحی گاوُں پھلروان کُہنہ میں دوہرے قتل کی واردات ہوئی، جہاں باپ نے غیرت کے نام پر بیٹی اور اس کے آشنا کو قتل کردیا۔پولیس حکام نے بتایا کہ نصیر نامی بات کو کو شک تھا کہ اس کی بیٹی (ک) کے محسن رضا نامی نوجوان سے تعلقات ہیں، مقتول محسن رضا اس کی بیٹی سے ملنے آیا تو نصیر نے ٹوکے کے وار کرکے دونوں کو موت کے گھاٹ اتار دیا۔تھانہ پھلروان پولیس نے موقع پر پہنچ کر نعشوں کو قبضہ میں لے لیا اور پوسٹ مارٹم کے لیے رورل ہیلتھ سنٹر پھلروان منتقل کر دیا، ملزم نصیرکو بھی گرفتار کر لیا گیا ہے۔فیصل آباد میں سنگدل باپ نے غیرت کے نام پر بیٹی کو تیزاب پلانے کے بعد دوپٹے سے گلا دبا کرقتل کر دیا۔پولیس حکام کے مطابق پولیس نے ملزم کو گرفتار کرلیا، اور ابتدائی تفتیش میں انکشاف ہوا کہ باپ نے بیٹی کو قتل کرنے کے بعد گھر میں ہی دفن کردیا تھا۔پویس کے مطابق گزشتہ روزمقتولہ کی ماں نے پولیس کو اطلاع دی تو پولیس نے قاتل باپ کو حراست میں لیتے ہوئے مقتولہ کی لاش نکالنے کے بعد پوسٹ مارٹم کیلئےاسپتال منتقل کردیا، جب کہ مقتولہ کی والدہ کی مدعیت میں قتل کا مقدمہ بھی درج کر لیا گیا ہے۔