پیٹرولیم مصنوعات کی قیمتوں کی سمری وفاقی حکومت کو نہیں بھیجی،اوگرا

اسلام آباد (امت  نیوز) آئل اینڈگیس ریگولیٹری اتھارٹی (اوگرا) نے  پیٹرولیم مصنوعات کی قیمتوں سے متعلق قیاس آرائیوں پر مبنی خبروں کی تردیدکی ہے۔

ایک بیان میں ترجمان اوگرا کا کہنا تھا کہ پیٹرولیم  مصنوعات کی قیمتوں سے متعلق قیاس آرائیاں نہ کی جائیں، ابھی تک پیٹرولیم مصنوعات کی قیمتوں کی کوئی سمری وفاقی حکومت کو نہیں بھیجی۔

خیال رہےکہ سوشل میڈیا پر خبریں سامنے آئی تھیں جن کے مطابق  یکم جولائی سے پیٹرولیم مصنوعات کی قیمتوں میں 20 روپے فی لیٹر تک اضافے کا امکان ہے۔