چلی کی نیکولی آناراگلسالوس کی چارسدہ کے اکرام سے دوستی محبت میں بدل گئی،لڑکی نے اپنا نام نورین رکھ لیا،دونوں گوگل ٹرانسلیٹ سے بات چیت کرتے ہیں
لاہور: بھارت اور چین سے سوشل میڈیا پر دوستی اور محبت کے بعد اب جنوبی امریکا کے ملک چلی سے تعلق رکھنے والی خاتون نے بھی پاکستان پہنچ گئی اورچارسدہ کے رہائشی نوجوان سے شادی کرلی، سوشل میڈیا پر چارسدہ کے رہائشی اکرام اللہ اور چلی کی 36 سالہ نیکولی آناراگلسالوس کی دوستی ہوئی تھی۔
نیکولی آناراگلسالوس نے چار سدہ پہنچ کر اسلام قبول کیا اور اکرام اللہ سے شادی کرلی۔ نیکولی آنار اگلسالوس نے اپنا اسلامی نام نورین رکھا ہے۔ اکرام اللہ کا کہنا تھا کہ نورین کی عمر 36 سال جبکہ میری عمر 27 سال ہے۔ نورین مجھے اپنے ساتھ لے جانا چاہتی ہے تاہم اس کا کہنا ہے کہ اگر تم نہیں جاؤ گے تو میں پاکستان میں رہوں گی۔
اکرام اللہ کا کہنا ہے کہ ہم دونوں کو ایک دوسرے کی زبان سمجھ نہیں آتی، ہم گوگل ٹرانسلیٹ سے ایک دوسرے سے بات چیت کرتے ہیں۔ چارسدہ پولیس نے میڈیا سے چھپا کر اسلام اباد بھیج دیا ہے۔ واضح رہے کہ خاتون ایپل کمپنی میں مینیجر کے عہدے پر تھیں۔
