گھر کے بلب ٹھیک کرنے والی الیکٹریشن بلی

اسلام آباد(اُمت نیوز)سماجی رابطے کی ویب سائٹ پر ان دنوں ایک بلی الیکٹریشن بنی چھائی ہوئی ہے، جو وڈیو میں کسی گھر کے بلب کو بار بار چیک کر رہی ہے۔ پالتو بلی کی اس ویڈیو کو اب تک 19 ملین سے زائد بار دیکھا جا چکا ہے۔
انٹرنیٹ پر ہم آئے روز جانوروں کی کوئی نا کوئی دلچسپ وڈیو دیکھتے ہیں ان ویڈیوز میں سے اکثر ویڈیوز پالتو جانورں کی ہوتی ہیں جس میں بلی کا شمار کا سر فہرست ہے۔
اپنی نت نئی شرارتوں سے دل موہ لینے والی بلیوں کی ویڈیوز کو بھی لوگ بہت پسند کرتے ہیں۔
سوشل میڈیا پر ایک دلچسپ ویڈیووائرل ہورہی ہے جس مین ایک ذہین بلی بطور الیکٹریشن بلب لگا رہی ہے۔

“Let me fix this” 😂 pic.twitter.com/yEss7KYnXa

— Buitengebieden (@buitengebieden) August 17, 2023

ویڈیو میں دیکھا جا سکتا ہے کہ بلی فریج پر چڑھ کر چھت کیساتھ لگے بلب کو جلانے کی کوشش کر رہی ہے، بلب کے نہ جلنے پر بلی اسے بار بار چھیڑ کر چیک کرتی ہے۔
ویڈیو شیئر کرنے والے صارف نے کیپشن میں بلی کی جانب سے لکھا کہ ”مجھے ٹھیک کرنے دو۔“
اس مزے دار ویڈیو کو اب تک 19 ملین سے زائد بار دیکھا جا چکا ہے ۔