چیف جسٹس نے 2 سینئر ججز کی مشاورت سے روسٹر جاری کردیا

اسلام آباد: چیف جسٹس آف پاکستان قاضی فائز عیسیٰ نے دو سینئر ججو ں جسٹس سردار طارق مسعود اور جسٹس اعجاز الاحسن کی مشاورت کے بعد سپریم کورٹ میں آج19ستمبر سے مقدمات کی سماعت کے لئے ججز روسٹر جاری کر دیا۔5 بینچ تشکیل دئیے گئے ہیں۔ بینچ نمبر ایک چیف جسٹس قاضی فائز عیسیٰ کی سربراہی میں تشکیل دیا گیا ہے جس میں جسٹس امین الدین خان اور جسٹس اطہر من اللہ شا مل ہیں۔ بینچ نمبر 2 جسٹس سردار طارق مسعود اور جسٹس مسرت ہلالی ،بینچ نمبر 3 جسٹس اعجاز الاحسن کی سربراہی میں جسٹس منیب اختر اور جسٹس شاہد وحید ،بینچ نمبر 4 جسٹس یحییٰ آفریدی کی سربراہی میں جسٹس مظہر علی اکبر نقوی اور جسٹس محمد علی مظہر جبکہ بینچ نمبر5 جسٹس جمال خان مندو خیل کی سربراہی میں جسٹس عائشہ ملک اور جسٹس سید حسن اطہر رضوی پر مشتمل ہوگا۔