غزہ میں بچوں کا قتل عام کیا جارہا ہے، فائل فوٹو
غزہ میں بچوں کا قتل عام کیا جارہا ہے، فائل فوٹو

پیشہ ور فوج کبھی بچوں کو نشانہ نہیں بناتی, انوارالحق کاکڑ

اسلام آباد: نگراں وزیراعظم انوارالحق کاکڑنے کہا ہے کہ پیشہ ور فوج کبھی بچوں کو نشانہ نہیں بناتی لیکن ہم اسرائیلی فوج کا غزہ میں بچوں کا ہولوکاسٹ دیکھ رہے ہیں، ہم غزہ کے بچوں کے سامنے شرمندہ ہیں۔

’’زارا الرٹ ایپ‘‘ کے اجرا کے موقع پر اسلام آباد میں منعقدہ تقریب سے خطاب کرتے ہوئے نگراں وزیراعظم انوارالحق کاکڑ نے کہا کہ حکومت بچوں کے حقوق کے تحفظ کے لیے پرعزم ہے، معاشرے کے تمام طبقات کی ذمے داری ہے کہ وہ بچوں کی بہتری کے لیے کام کریں اور حکومت بھی بچوں کی فلاح و بہبود کے لیے ہر ممکن قدم اٹھا رہی ہے۔

انہوں نے کہا کہ بچے ہمارے مستقبل کا اثاثہ ہیں زارا الرٹ ایپ کا اجرا بچوں کے حقوق کے تحفظ میں معاون ثابت ہوگا۔

وزیراعظم کا کہنا تھا کہ اس وقت غزہ کے بچے میرے ذہن میں ہیں غزہ میں بچوں کا قتل عام کیا جارہا ہے حالاں کہ جنگ میں پیشہ ور فوج کبھی نہتے شہریوں اور بچوں کو نشانہ نہیں بناتی لیکن اسرائیلی فوجی غزہ میں نہتے بچوں کو قتل کر رہے ہیں، نہتے بچوں کا قتل عالمی قوانین اور انسانی حقوق کی شدید خلاف ورزی ہے۔

انہوں نے کہا کہ ہم غزہ کے بچوں کے سامنے شرمندہ ہیں،ہم غزہ میں فلسطینی بچوں کا ہولوکاسٹ دیکھ رے ہیں اس ہولوکاسٹ کو فوری طور پر روکا جائے غزہ ہونے میں ہونے والے اس ظلم کو مذہبی رنگ سے ہٹ کر انسانی حقوق کے تناظر میں دیکھا جائے۔

جواب دیں

آپ کا ای میل ایڈریس شائع نہیں کیا جائے گا۔