کالا شاہ کاکو؛ کار، ٹرک اور مزدا ڈالہ میں تصادم، 6 افراد جاں

کالا شاہ کاکو(اُمت نیوز) جی ٹی روڈ پر کار، ٹرک اور مزدا ڈالہ میں تصادم کے نتیجے میں 6 افراد جاں بحق ہو گئے۔

ضلع شیخوپورہ کے ٹاؤن کالا شاہ کاکو میں جی ٹی روڈ پر کار، ٹرک اور مزدا ڈالہ میں تصادم کے نتیجے میں 6 افراد جاں بحق جب کہ 4 افراد شدید زخمی ہو گئے، حادثہ تیز رفتاری کے باعث پیش آیا۔

ریسکیو ذرائع کا کہنا ہے کہ ٹریفک حادثے میں ایک ہی خاندان کے 6 افراد جاں بحق ہوئے ہیں جن میں ظہیر اس کی اہلیہ ارم، بیٹے ایان اور عبدالوہاب شامل ریسکیو جب کہ دیگر جاں بحق ہونیوالوں میں شہباز اور ایمان شامل ہیں۔
ریسکیو کے مطابق حادثے میں 4 افرادشدید زخمی بھی ہوئے جن میں تین شمیم، نسیم اور خدیجہ کی حالت تشویشناک ہے۔

ریسکیو ذرائع نے بتایا کہ حادثے کا شکار خاندان ملتان سے گوجرانوالہ جارہا تھا تاہم جان بحق افراد اور ذخمیوں کو ٹی ایچ کیو اسپتال منتقل کر دیا گیا ہے۔