فائل فوٹو
فائل فوٹو

حلف نہ لینے کا معاملہ،توہین عدالت کی درخواست دائر

پشاور: خیبر پختونخوا اسمبلی کی مخصوص نشستوں پر ممبران سے حلف نہ لینے کے معاملے پر منتخب ارکان نے پشاور ہائیکورٹ میں توہین عدالت کی درخواست دائر کردی۔

خیبرپختونخوا اسمبلی کی مخصوص نشستوں پر ممبران سے حلف نہ لینے کے معاملے پر منتخب ممبران نے اسپیکراور ڈپٹی اسپیکر کے خلاف پشاور ہائیکورٹ میں توہین عدالت کی درخواست دائر کی۔

درخواست میں مؤقف اپنایا گیا ہے کہ عدالتی احکامات کے باوجود ممبران سے حلف نہیں لیا گیا، اسپیکر اور ڈپٹی سپیکر نے ارکان کو سینیٹ انتخابات میں ووٹ کا حق نہ دے کر عدالتی احکامات کی خلاف ورزی کی ہے۔

درخواست میں کہا گیا ہے کہ اسپیکر اور ڈپٹی اسپیکر کے خلاف توہین عدالت کی کارروائی کرکے نااہل قرار دیا جائے۔

واضح رہے کہ پشاور ہائیکورٹ کے 2 رکنی بینچ نے سپیکر صوبائی اسمبلی کو مخصوص نشستوں پر نومنتخب ارکان صوبائی اسمبلی سے حلف لینے کی ہدایت کی تھی۔

جواب دیں

آپ کا ای میل ایڈریس شائع نہیں کیا جائے گا۔