اسلام آباد پولیس کے یونیفارم کا پیٹرن تبدیل کر دیا گیا

اسلام آباد: وفاقی دارالحکومت اسلام آباد پولیس کے یونیفارم کا پیٹرن تبدیل کر دیا گیا ہے۔

آئی جی اسلام آباد سید علی ناصر رضوی نے کہا کہ وفاقی پولیس کے تمام افسران و اہلکاروں کا یونیفارم یکساں ہو گا، افسران و اہلکار پنجاب پولیس کی یونیفارم جیسے سکس پاکٹ پینٹ پہنیں گے۔

انہوں نے مزید کہا کہ سفاری سوٹ کی طرح شرٹ کو پینٹ سے باہر رکھیں گے، تمام اہلکار نیوی بلیو انیر اور سکائی بلیو شرٹ پہنیں گے۔

آئی جی اسلام آباد کا کہنا تھا کہ نیم پلیٹ کے حوالے سے فرنٹ پاکٹ سائز کی کالی اسٹریپ ہو گی، نئے فیبرک کی بنائی گئی پنجاب طرزکی بیلٹ استعمال کی جائے گی۔