گوادر میں دہشتگردی کا شکار 7 افراد کی لاشیں خانیوال منتقل

گوادر: دہشتگردی کا نشانہ بننے والے 7 محنت کشوں کی لاشیں خانیوال منتقل کردی گئیں۔

لاشیں ایدھی فاؤنڈیشن کے بڑے کنٹینر کے ذریعے پہنچائی گئیں، ضلعی انتظامیہ اور پولیس نے لاشیں شام کوٹ انٹر چینج پر وصول کیں،مقتولین کے اہل خانہ بھی اپنے پیاروں کی لاشیں لینے پہنچے، لاشیں دیکھ کر اہلخانہ غم سے نڈھال ہوگئے۔

یاد رہے کہ گزشتہ روز گوادر کے علاقے سربندر میں نامعلوم دہشت گردوں کی فائرنگ سے  کوارٹر میں سوئے ہوئے 7 افراد جاں بحق اور ایک زخمی ہوا تھا، جاں بحق و زخمی افراد سربندر میں حجام کی دکان میں کام کرتے تھے۔