سونے کی قیمت تاریخ کی نئی بلند ترین سطح پر پہنچ گئی

کراچی: مقامی صرافہ مارکیٹوں میں بھی سونے کی قیمت تاریخ کی نئی بلند ترین سطح پر پہنچ گئی جس سے جمعرات کو 24 قیراط کے حامل فی تولہ سونے کی قیمت 800روپے کے اضافے سے 268500 روپے کی نئی بلند ترین سطح پرپہنچ گئی اور دس گرام سونے کی قیمت بھی 685روپے کے اضافے سے 230195روپے ہو گئی۔

دوسری جانب فی تولہ چاندی کی قیمت بغیر کسی تبدیلی کے 2950روپے اور دس گرام چاندی کی قیمت بھی بغیر کسی تبدیلی کے 2529.14روپے کی سطح پر مستحکم رہی۔

بین الاقوامی بلین مارکیٹ میں فی اونس سونے کی قیمت 08ڈالر کے اضافے سے 2577ڈالر کی سطح پر آگئی۔