حکومت نے ایل این جی کی قیمت میں اضافہ کردیا

اسلام آباد: حکومت نے ایل این جی کی قیمتوں میں اضافہ کردیا، جس کا نوٹیفکیشن جاری کردیا گیا۔

تفصیلات کے مطابق آئل اینڈ گیس ریگولیٹری اتھارٹی (اوگرا) نے فروری کے لیے ایل این جی کی قیمتوں میں اضافہ کردیا۔

اوگرا کی جانب سے جاری کیے گئے نوٹیفکیشن کے مطابق سوئی ناردرن کے لیے ایل این جی کی قیمت 12.90 ڈالرفی ایم ایم بی ٹی یو مقرر کی گئی ہے، اسی طرح سوئی سدرن کے لیے ایل این جی کی قیمت 12.67 ڈالر فی ایم ایم بی ٹی یومقرر کی گئی ہے۔

واضح رہے کہ جنوری میں سوئی نادرن کے لیے ایل این جی کی قیمت 12.66 ڈالر فی ایم ایم بی ٹی یو اور سوئی سدرن کے لیے ایل این جی کی قیمت 12.60 ڈالر فی ایم ایم بی ٹی یو تھی۔

اوگرا کے مطابق ایل این جی کی قیمتوں میں اضافہ سپلائی لاگت میں اضافے کی وجہ سے کیا گیا ہے۔