پاکستان پیٹرولیم ڈیلرز ایسوسی ایشن کی 4 مارچ کی ہڑتال سے لاتعلقی

کراچی: پاکستان پیٹرولیم ڈیلرز ایسوسی ایشن نے 4 مارچ کو پیٹرولیم ڈیلرز کی ہڑتال سے لاتعلقی کا اعلان کردیا۔

پریس کانفرنس کرتے ہوئے پاکستان پیٹرولیم ڈیلرز ایسوسی ایشن کے چیئرمین عبدالسمیع خان نے کہا کہ 4 مارچ کو ہڑتال کی جانے کے حوالے سے کچھ آوازیں آرہی ہیں، ہم نے ہڑتال کی کوئی کال نہیں دی ہے، ہمیں یہ خیال رکھنا ہے کہ ہم رمضان المبارک میں عوام کو پریشان نہیں کرنا چاہتے، ڈی ریگولیشن کے مکمل خلاف ہیں۔

عبدالسمیع خان نے مزید کہا کہ ڈیلرز کے مفادات کا سودا نہیں کرسکتے، ڈی ریگولیشن کے خلاف 3 سال سے آواز اٹھارہے ہیں، ڈی ریگولیشن سے پیٹرولیم مصنوعات کی اسمگلنگ میں اضافہ ہوگا، ڈی رہیگولیشن کے لئے ہم سے کوئی مشورہ نہیں کیا گیا۔

ان کا کہنا تھا کہ ڈی ریگولیشن کی آواز آتے ہی ملک میں اسمگلنگ مزید بڑھ گئی، ڈیلر کمیشن اور اسمگلنگ کے حوالے سے پیٹرولیم ڈیلرز کے مسائل تاحال ہیں، ڈی ریگولیشن کے بعد غیرملکی آئل کمپنیاں سارا تیل خرید لیں گی، اسمگلنگ میں کوئی ایک ادارہ نہیں بلکہ بہت سے ادارے ہیں، وزارت پیٹرولیم کی جانب سے کوئی اقدامات اسمگلنگ کو روکنے کے حوالے سے اقدامات نہیں کیے جارہے ہیں۔

عبدالسمیع خان نے کہا کہ ہماری ایسوسی ایشن کبھی بھی وزارت سے بالکل دبدتی نہیں ہے، مجھے حکومت سے کسی اچھے توقع نہیں ہے، میں جب تک زندہ ہوں ڈیلرز کے لیے جان دے دوں گا۔

چیئرمین پاکستان پیٹرولیم ڈیلرز ایسوسی ایشن نے مزید کہا کہ دو سال قبل ڈی جی ٹی او میں رجسٹریشن کرانے گئے تھے، سندھ ہائی کورٹ میں مدمقابل پارٹی کو پاکستان پیٹرولیم کا نام استعمال کرنے سے روکا ہے، بہت بڑا گیم ہے جو ہمارے خلاف ہے، ڈیلرز کا دوسرا گروپ حکومت نے ہمارے خلاف کھڑا کیا ہے، ہم نے کبھی بھی کوئی غلط مطالبہ نہیں کیا ہے۔