جعفر ایکسپریس حملہ،موقع پر موجود تمام دہشت گرد جہنم واصل

کوئٹہ: جعفر ایکسپریس پر حملے کے بعد سیکیورٹی فورسز کا دہشت گردوں کے خلاف آپریشن آخری مراحل میں داخل ہوگیا،موقع پر موجود تمام دہشت گردوں کو واصل جہنم کر دیا گیا۔

سیکیورٹی ذرائع کے مطابق بڑی تعداد میں یرغمال مسافروں بشمول عورتوں اور بچوں جن کو انسانی شیلڈ کے طور پر استعمال کیا جا رہا تھا، بازیاب کروا لیا گیا ہے۔اس سے پہلے 190 مسافروں کو بازیاب کروایا جا چکا ہے۔

سیکیورٹی ذرائع کے مطابق دوران کلیئرنیس آپریشن انتہائی اختیاط اور مہارت کا مظاہرہ کیا گیا اور معصوم جانیں بچائی گئیں تاہم پہلے سے دہشت گردوں کی بربریت کا نشانہ بننے والے شہیدمسافروں کی تعداد کا تعیُّن کیا جا رہا ہے۔

سیکیورٹی ذرائع کے مطابق موقع پر موجود تمام دہشت گردوں کو واصل جہنم کر دیا گیا ہے، مزید تفصیلات کچھ دیر میں مطلع کر دی جائیں گی۔