مصطفی عامر قتل کیس؛ مرکزی ملزم ارمغان کا والد گرفتار

کراچی: مصطفی عامر قتل کیس کے مرکزی ملزم ارمغان کے والد کامران قریشی کو گرفتار کرلیا گیا۔

اے وی سی سی پولیس نے کارروائی کرتے ہوئے منشیات فروشی میں ملوث اور مصطفی عامر قتل کیس کے مرکزی ملزم ارمغان کے والد کامران قریشی کو گرفتارکرلیا۔ملزم سے منشیات اور اسلحہ بھی برآمد کیا گیا۔

ایس ایس پی اے وی سی سی انیل حیدر منہاس نے بتایا ہے کہ ملزم کامران قریشی کو ڈیفنس فیز5 خیابان مومن پر واقع بنگلے سے گرفتار کیا گیا ہے۔

ڈی آئی جی سی آئی اے مقدس حیدرکا کہنا ہے کہ کامران قریشی کو پولیس مقابلہ کیس میں گرفتار کیا ہے، ملزم سے منشیات سے متعلق بھی تفتیش کریں گے، چھاپے کے دوران اے وی سی سی پر شدید فائرنگ کی گئی۔

ولیس کا کہنا ہے کہ گرفتار ملزم کا نام کامران اصغر قریشی ولد اصغر قریشی ہے۔ گرفتار ملزم کے قبضہ سے 200 گرام آئس اور ایک 9 ایم ایم پسٹل بمعہ 2 میگزین 10 گولیاں برآمد ہوئیں۔

گرفتار ملزم کے خلاف کنٹرول آف نارکوٹیکس سبسٹینس ایکٹ اور بلا لائسنس اسلحہ رکھنے کے تحت مقدمہ درج کر لیا گیا۔ پولیس کی جانب سے کیس کی مزید تفتیش جاری ہے۔

ڈی آئی جی سی آئی اے کا کہنا ہے کہ کامران قریشی کو پولیس مقابلہ کیس میں گرفتار کیا ہے، ملزم سے منشیات سے متعلق بھی تفتیش کریں گے، چھاپے کے دوران اے وی سی سی پر شدید فائرنگ کی گئی۔

مقدس حیدر نے بتایا کہ پولیس پرحملے میں استعمال اسلحہ کامران قریشی نے خریدا تھا، ارمغان سے تحقیقات میں مزید اہم شواہد حاصل کر لیے ہیں۔ ارمغان کے گھر سے ملنے والے کئی ہتھیار پشاور سے خریدے گئے۔

ڈی جی آئی جی سی آئی اے کے مطابق کامران قریشی نے ہتھیار خرید کر ارمغان کو دیے تھے، اسلحہ خریدتے وقت کی فوٹیجز بھی حاصل کر لی ہیں، کئی فوٹیجز ملزم کے موبائل فون سے ملی ہیں۔