فی تولہ سونے کی قیمت میں مزید 6700 روپے کی کمی

کراچی: ملک میں فی تولہ سونا 6700 روپے سستا ہو کر 3 لاکھ 35 ہزار 200 روپے کا ہوگیا ہے، جب کہ 10 گرام سونے کی قیمت میں 5745 روپے کی کمی ہوئی، جس کے بعد نئی قیمت 2 لاکھ 87 ہزار 379 روپے مقرر کی گئی ہے۔

ادھر عالمی مارکیٹ میں بھی سونے کی قیمت میں نمایاں کمی دیکھنے میں آئی ہے، جہاں فی اونس سونا 67 ڈالر کی کمی سے 3168 ڈالر پر آ گیا ہے۔

ماہرین کے مطابق مقامی اور عالمی مارکیٹ میں سونے کی قیمتوں میں کمی سرمایہ کاروں کے محتاط رویے اور ڈالر کی قیمت میں اتار چڑھاؤ کے سبب دیکھنے میں آئی ہے۔

واضع رہے گزشتہ روز بھی فی تولہ سونا 2300 روپے سستا ہوا تھا۔