نئی حب کینال کا افتتاح: کراچی کے کن علاقوں کو پانی سپلائی ہوگا؟
کراچی کے مغربی علاقے بالخصوص لیاری، بلدیہ، کیمارٹی، منگھو پیر، اورنگی ٹاون اور نارتھ ناظم آباد کے کچھ حصوں کو پانی سپلائی کیا جائے گا۔
فائل فوٹو
کراچی کے شہریوں کے لیے پانی کا بڑا مسئلہ بڑی حد تک حل ہو گیا کیونکہ بدھ کے روز چیئرمین پیپلزپارٹی بلاول بھٹو زرداری نے 12.8 ارب روپے کی لاگت سے تعمیر ہونے والی نئی حب کینال کا افتتاح کردیا ہے، یہ منصوبہ 9 ماہ کی ریکارڈ مدت میں مکمل کیا گیا ہے۔
کراچی واٹر اینڈ سیوریج کارپوریشن کے چیف انجینئر سکندر علی زرداری کے مطابق نیو حب کینال کی ڈیزائن لائف 25 سے 30 سال ہے۔
کینال کی کل لمبائی 22.4 کلو میٹر ہے اور اس میں پانی کی یومیہ گنجائش 10 کروڑ گیلن ہے۔ اس نہر سے کراچی کے مغربی علاقے بالخصوص لیاری، بلدیہ، کیمارٹی، منگھو پیر، اورنگی ٹاون اور نارتھ ناظم آباد کے کچھ حصوں کو پانی سپلائی کیا جائے گا۔
Chairman @BBhuttoZardari Bhutto inaugurated new Hub Canal. The 21.8 km canal will provide 100 MGD of water to #Karachi , benefiting West District and Keamari residents. The project cost exceeds Rs 12.8 billion. Sindh CM @MuradAliShahPPP was accompanied by him. pic.twitter.com/8J9VHdYhM1
— Sindh Chief Minister House (@SindhCMHouse) August 13, 2025