پشاور میں آٹا مزید مہنگا ، 20 کلو کا تھیلا 1900 روپے کا ہو گیا

پشاور میں آٹا مزید مہنگا ہونے کے بعد20کلو آٹے کا تھیلا 1900 روپے تک پہنچ گیا۔

نجی ٹی وی کے مطابق ڈیلرز کاکہنا ہے کہ20 کلو کے فائن آٹے کی قیمت میں مزید 50 روپے کا اضافہ ہو گیا ہے جبکہ مکس آٹے کا تھیلا 1800 اور 20 کلو سپر فائن آٹے کی قیمت 1850 روپے ہو گئی ہے۔

ڈیلرز کے مطابق گزشتہ دس دن میں مجموعی طور پر 20 کلو آٹے کا تھیلا 300 روپے مہنگا ہوا، اگر گندم کی قیمتوں میں کمی نہیں آئی تو آٹا مزید مہنگا ہو گا۔

واضح رہے ، گزشتہ دنوں گندم کی فی قیمت میں اضافہ ہونے سے پشاور ، اسلام آباد ، لاہور ، کوئٹہ اور دیگر شہروں میں آٹا مہنگا ہو گیا ہے۔