سونے کی قیمت نے نئی تاریخ رقم کردی

کراچی:عالمی ومقامی سطح پر سونے کی قیمت نے نئی تاریخ رقم کردی۔

صرافہ جیولرز ایسوسی ایشن کے مطابق عالمی و مقامی سطح پر سونے کی قیمت بلند ترین سطح پر پہنچ گئی ،سونے کی قیمت میں 3400 روپے فی تولہ اضافہ ریکارڈ کیا گیاجس سے 24قیراط فی تولہ سونا 3لاکھ 93ہزار700روپے کا ہوگیاجبکہ  10 گرام سونا 2915روپے مہنگا ہو کر 3لاکھ 37ہزار534روپے کا ہو گیا۔

دوسری جانب انٹرنیشنل مارکیٹ میں فی اونس سونا 34ڈالر اضافے سے 3719ڈالر کا ہو گیا۔

24قیراط فی تولہ چاندی114روپے بڑھ کر 4ہزار532روپے کی بلند ترین حد پر آگئی ہے،انٹرنیشنل مارکیٹ میں فی اونس چاندی1ڈالر 14سینٹ بڑھ کر 45ڈالر5سینٹ کی ہوگئی