عشقِ قوم،عشقِ ریاست اوربانیٔ پی ٹی آئی سے عشق ،ایمل ولی کی تشریح

پشاور: عوامی نیشنل پارٹی (اے این پی) کے صدر ایمل ولی خان  نے بانی پی ٹی آئی کے ’’عشق ‘‘ کے جواب میں عشق کی مزید 2اقسام گنوا دیں ۔

ایمل ولی خان  نے کہا ہے کہ کچھ لوگ’’ عشقِ قوم‘‘ والے ہوتے ہیں، ان کو اپنی زمین اور قوم سے عشق ہوتا ہے، کچھ ہوتے ہیں’’ عشقِ ریاست ‘‘والے جن کو ریاست اور ریاستی اداروں سے عشق ہوتا ہے۔ اب ایک نئی نسل آ گئی ہے، ان کو بانیٔ پی ٹی آئی سے عشق ہے، ان کو نہ قوم کی پرواہ ہے، نہ ملک کی۔ خیبر پختونخوا کے وزیراعلیٰ کو بانیٔ پی ٹی آئی کی رہائی کے علاوہ کسی چیز کی فکر نہیں۔ صوبے میں دہشتگردی، بے امنی اور طالبائزیشن ہے، حکومت نظر ہی نہیں آ رہی۔

خیبر پختونخوا کی گورننس پر دیئے گئے بیان میں صدر اے این پی ایم ولی خان نے  کہا ہے کہ کے پی پچھلے 12 سال سے کمپرومائزڈ صورتحال سے گزر رہا ہے۔ صوبے میں دہشت گردی، بے امنی اور طالبائزیشن ہے، مگر صوبے کے وزیراعلیٰ کو بانیٔ پی ٹی آئی کی رہائی کے علاوہ کسی چیز کی فکر نہیں، صوبے میں حکومت نظر ہی نہیں آ رہی۔