معرکہ حق نے دنیا میں پاکستان کے تصور کو بدل دیا،وفاقی وزیر احسن اقبال

لندن: وفاقی وزیر احسن اقبال نے کہا ہے کہ معرکہ حق نے دنیا میں پاکستان کے تصور کو بدل دیا اور فیلڈ مارشل کی قیادت میں پاکستانی مسلح افواج نے بھارت کو منہ توڑ جواب دیا۔

پاکستان ہائی کمیشن لندن میں خطاب کرتے ہوئے احسن اقبال نے کہا کہ بھارت نے خود کو علاقے کا تھانیدار سمجھ لیا تھا، تاہم ہماری مسلح افواج کی بہادری اور صلاحیت نے دشمن کو شکست دی۔

وزیر نے خوشخبری دی کہ مانچسٹر کے بعد لندن سے بھی قومی ائیر لائن کی پروازیں جلد بحال ہوں گی۔ انہوں نے مزید بتایا کہ کیمبرج یونیورسٹی کے ساتھ معاہدے کے نتیجے میں جدید ٹیکنالوجی پاکستان منتقل کی جائے گی۔

احسن اقبال نے پاکستان ہائی کمیشن میں مقیم بزنس کمیونٹی سے ملاقات بھی کی اور سرمایہ کاری اور ترقی کے منصوبوں پر بات چیت کی۔