پی پی کے سینئر رہنما لعل محمد خان انتقال کرگئے

پاکستان پیپلز پارٹی کے سینئر رہنما اور سابق وفاقی وزیر لعل محمد خان انتقال کر گئے

پاکستان پیپلز پارٹی کے سینئر رہنما اور سابق وفاقی وزیر لعل محمد خان طویل علالت کے بعد انتقال کر گئے۔ مرحوم لعل محمد خان کئی بار قومی اور صوبائی اسمبلی کے رکن رہ چکے تھے اور ذوالفقار علی بھٹو کے دورِ حکومت میں سینیٹر بھی رہے۔

گورنر خیبرپختونخوا فیصل کریم کنڈی نے مرحوم کے انتقال پر گہرے رنج و غم کا اظہار کرتے ہوئے دعا کی کہ اللہ تعالیٰ ان کے درجات بلند کرے اور پسماندگان کو صبر عطا فرمائے۔ گورنر نے کہا کہ لعل محمد خان نے اپنی سیاسی زندگی میں عوامی خدمت کو ہمیشہ اپنا نصب العین بنایا اور ان کی خدمات خیبرپختونخوا اور ملک بھر میں ہمیشہ یاد رکھی جائیں گی۔