کوئٹہ،نامعلوم مسلح افراد کی فائرنگ سے 4 افراد جاں بحق

کوئٹہ کے علاقے خالق آباد منگچر میں نامعلوم مسلح افراد کی فائرنگ سے 2 بھائیوں سمیت 4 افراد جان کی بازی ہار گئے۔

لیویز ذرائع کے مطابق حملے کے بعد ملزمان فرار ہونے میں کامیاب ہو گئے، جبکہ جاں بحق افراد کی لاشیں قریبی اسپتال منتقل کر دی گئیں۔

جاں بحق افراد کی شناخت شاکر سعداللہ، شاکر خیراللہ، محمد کریم اور محمد ظاہر کے ناموں سے ہوئی ہے۔ قانون نافذ کرنے والے اداروں نے علاقے کو گھیرے میں لے کر ملزمان کی تلاش شروع کر دی ہے۔