اسلام آباد:بین الپارلیمانی سپیکرز کانفرنس کیلئےغیر ملکی وفود پہنچ گئے

اسلام آباد: بین الپارلیمانی سپیکرز کانفرنس میں شرکت کے لیے سعودی عرب، آذربائیجان، ازبکستان، کینیا، فلسطین، مراکش، روانڈا، مالدیپ، ملائیشیا، فلپائن، بارباڈوس، سیربیا اور الجیریا کے پارلیمانی وفود اسلام آباد پہنچ گئے ہیں۔

چیئرمین سینیٹ سید یوسف رضا گیلانی کی قیادت میں یہ کانفرنس 11 تا 12 نومبر 2025ء کو منعقد ہوگی اور عالمی امن، ترقی اور بین الاقوامی پارلیمانی تعلقات کے فروغ میں اہم کردار ادا کرے گی۔

سینیٹ کے سینئر ڈائریکٹر جنرل طارق بن وحید اور دیگر سینئر افسران نے غیر ملکی مہمانوں کا پرتپاک استقبال کیا۔ سعودی عرب کے وفد کی قیادت نائب چیئرمین شوریٰ کونسل عبداللہ بن عدم فلاتعہ کر رہے ہیں جبکہ فلسطینی وفد کی قیادت روحی احمد محمد فتوح کر رہے ہیں۔ دیگر ممالک کے سپیکرز اور ڈپٹی سپیکرز بھی وفود کی قیادت کر رہے ہیں۔

کانفرنس کے دوران مختلف ممالک کے پارلیمانی وفود کے درمیان باہمی تعلقات کو مزید مضبوط بنانے اور پارلیمانی تعاون کے فروغ کے لیے اہم اقدامات متوقع ہیں۔