شوٹنگ میں مہارت فوجی تربیت کا بنیادی مقصد رہنا چاہیے۔فیلڈ مارشل

راولپنڈی: 45ویں پاکستان آرمی رائفل ایسوسی ایشن (PARA) کے مرکزی اجلاس کی اختتامی تقریب آرمی مارکس مین شپ یونٹ (AMU)، جہلم میں منعقد ہوئی، جس میں فیلڈ مارشل سید عاصم منیر، NI (M) HJ، چیف آف آرمی سٹاف (COAS) نے بطور مہمان خصوصی شرکت کی۔

45ویں PARA سنٹرل میٹ 2025 کا انعقاد یکم اکتوبر سے 10 نومبر 2025 تک کیا گیا، جس میں پاکستان آرمی، ایئر فورس، نیوی، سول آرمڈ فورسز اور مختلف صوبائی رائفل ایسوسی ایشنز کے 2000 سے زائد شرکاء نے اپنی شوٹنگ کی مہارت کا مظاہرہ کیا۔پاک آرمی نے تمام چار انٹر سروسز میچز جیت کر تیسری انٹر سروسز کمبیٹ شوٹنگ چیمپئن شپ 2025 اپنے نام کر لی۔ پنجاب رجمنٹ نے گروپ-I کے یونٹ فائرنگ میچ میں فتح حاصل کی جبکہ سپاہی محمد عرفان نے ماسٹر ایٹ آرمز کا ٹائٹل جیتا۔ نائب صوبیدار عمر فاروق نے آرمی ہنڈریڈ رائفل میچ ٹرافی حاصل کی۔

COAS نے شرکاء کے ساتھ بات چیت کرتے ہوئے ان کی شاندار نشانہ بازی کی تعریف کی اور کہا کہ "شوٹنگ میں مہارت فوجی تربیت کا بنیادی مقصد رہنا چاہیے۔”

 

بعد ازاں، فیلڈ مارشل عاصم منیر نے ملٹری کالج جہلم (MCJ) کی صد سالہ تقریبات میں بطور مہمان خصوصی شرکت کی۔ انہوں نے صد سالہ یادگار اور کالج میوزیم کا افتتاح کیا اور قیادت، نظم و ضبط اور حب الوطنی کو فروغ دینے میں ادارے کے کردار کو سراہا۔ COAS نے یادگار شہدا پر پھولوں کی چادر بھی چڑھائی۔

 

آمد کے موقع پر، کمانڈر راولپنڈی کور اور انسپکٹر جنرل ٹریننگ اینڈ ایویلیوایشن (IGT&E) نے COAS کا باقاعدہ استقبال کیا۔