سوات: اے این پی رہنما کی گاڑی کے قریب بم دھماکا

سوات کے علاقے مٹہ شکردرہ میں سڑک کے کنارے نصب بم دھماکے سے اے این پی رہنما ممتاز علی کی گاڑی کو نقصان پہنچا، تاہم کسی جانی نقصان کی اطلاع نہیں ملی۔

پولیس کے مطابق دھماکا ممتاز علی خان کی گاڑی کے قریب ہوا، جو ایک جنازے میں شرکت کے لیے جا رہے تھے۔ دھماکا گھر سے تقریباً 300 فٹ کے فاصلے پر نصب بارودی مواد کے پھٹنے سے ہوا۔

پولیس نے جائے وقوعہ پر بھاری نفری کے ساتھ پہنچ کر تحقیقات کا آغاز کر دیا ہے۔ واضح رہے کہ خیبر پختونخوا میں قیام امن کے لیے صوبائی حکومت کی جانب سے آج امن جرگہ بھی منعقد ہو رہا ہے۔