سینیٹ سے منظوری کے وقت آئینی ترمیم میں معمولی غلطی رہ گئی، دوبارہ پیش کرنے کا فیصلہ

 

قومی اسمبلی کا اجلاس اسپیکر سردار ایاز صادق کی سربراہی میں شروع ہو گیا ہے، جس میں آج 27 ویں آئینی ترمیم مختلف ترامیم کے ساتھ منظور ہونے کا امکان ہے۔

ذرائع کے مطابق ترمیم میں سینیٹ کی جانب سے تکنیکی غلطی رہ گئی تھی، اس لیے قومی اسمبلی سے منظوری کے بعد ترمیم دوبارہ سینیٹ میں بھیجی جا سکتی ہے۔ امکان ہے کہ کل سینیٹ سے دوبارہ منظوری لی جائے گی۔

یاد رہے کہ دو روز قبل سینیٹ نے 27 ویں آئینی ترمیم دو تہائی اکثریت سے منظور کی تھی، جس کے تحت ملک میں ایک آئینی عدالت قائم ہوگی، تمام ہائی کورٹ کے ججز شامل ہوں گے، صدر پاکستان کو تاحیات استثنیٰ حاصل ہوگا اور آرمی چیف کا عہدہ ختم کر کے چیف آف ڈیفنس فورسز کا عہدہ تشکیل دیا جائے گا۔

گزشتہ روز وفاقی وزیر قانون اعظم نذیر تارڑ نے ترمیم قومی اسمبلی میں پیش کی تھی، جس پر حکومت اور اپوزیشن کی جانب سے بحث بھی ہوئی۔