افغانستان نے کبھی بھی پاکستان کے وجود کو تسلیم نہیں کیا،جنید اکبر

پشاور: پی ٹی آئی خیبر پختونخوا کے صدر جنید اکبر نے کہا ہے کہ افغانستان نے کبھی بھی پاکستان کے وجود کو تسلیم نہیں کیا۔

پشاور میں آج ہونے والے امن جرگے میں 20 سیاسی جماعتوں نے شرکت کی، جس کا مقصد دہشتگردی کے خلاف مشترکہ موقف اختیار کرنا ہے۔

جنید اکبر نے کہا کہ گزشتہ روز ہونے والے واقعات کی مذمت کم ہے اور ان کے پیچھے کسی نہ کسی کا ہاتھ ہے۔ انہوں نے مزید کہا کہ افغانستان نے ہمیشہ پاکستان کے وجود کو تسلیم نہیں کیا۔

خیبرپختونخوا اسمبلی میں اپوزیشن لیڈر ڈاکٹر عباد اللہ نے کہا کہ اس فورم پر پہلی مرتبہ امن جرگہ ہو رہا ہے اور وہ اس سے پر امید ہیں۔

ڈاکٹر عباد اللہ نے کہا کہ آج کا سنگل پوائنٹ ایجنڈا امن ہے اور سیاسی اختلافات کو بھلا کر سب پی ٹی آئی کے ساتھ بیٹھے ہیں۔ انہوں نے زور دیا کہ دہشتگردوں سے کوئی بات چیت نہیں ہونی چاہیے اور جن لوگوں نے بچوں کے سر کاٹے، ان کو معافی نہیں دی جا سکتی۔