اسلام قبول کرنے کے بعد لاپتہ سکھ خاتون کی پاکستانی شہری سے شادی

 

 

لاہور: پاکستان میں بابا گرو نانک کے جنم دن کی یاترا کے لیے بھارت سے آنے والے جتھے میں شامل سکھ خاتون سربجیت کور نے اسلام قبول کر کے ایک پاکستانی شہری سے شادی کرلی۔

 

خاتون کا اسلامی نام نور رکھا گیا ہے۔ نکاح کے مطابق 48 سالہ سربجیت کور نے 5 نومبر کو ضلع شیخوپورہ کے فاروق آباد کے رہائشی ناصر حسین سے نکاح کیا۔ نکاح میں 10 ہزار روپے حق مہر درج کیا گیا ہے جو ادا کیا جا چکا ہے۔

 

سربجیت کور 4 نومبر کو بھارتی یاتریوں کے ساتھ پاکستان آئی تھیں، لیکن 13 نومبر کو بھارت واپس جانے والے یاتریوں میں شامل نہیں تھیں، جب کہ اسی روز ان کا ویزہ بھی ختم ہو چکا تھا۔

 

ابتداء میں انہیں لاپتہ قرار دے کر تلاش کی گئی، تاہم بعد ازاں معلوم ہوا کہ خاتون نے اسلام قبول کر کے پاکستانی شہری سے شادی کرلی ہے۔