راولپنڈی میں الیکٹرک بس منصوبے کا آغاز ہوگیا

وزیر اعلی پنجاب مریم نواز شریف نے راولپنڈی کے پہلے اور سب سے بڑے الیکٹرک ٹرانسپورٹ منصوبے کا آغاز کر دیا۔45ای بسوں کے فلیٹ سے پوٹھوہار ریجن کی پہلی گرین پبلک ٹرانسپورٹ کی لانچنگ کی۔

 

تقریب میں آمدپر مریم نواز شریف کا شاندار استقبال کیاگیا۔پنڈال میں عوام نے نعرے لگا کر پرتپاک استقبال کیا۔

 

وزیر اعلی مریم نواز شریف نے بٹن دبا کر الیکٹرو بس کا علامتی افتتاح کیا۔اس موقع پر انہوں نے راولپنڈی ڈویژن میں الیکٹرک بسوں کی تعداد 145تک بڑھانے کا اعلان کیا۔

 

ضلع جہلم کے عوام کو 15، چکوال میں 15اوراٹک میں بھی 15الیکٹرو بسوں کا تحفہ ملے گا۔راولپنڈی ڈویژن کے عوام ماحول دوست،ائیر کنڈیشنڈ،سی سی ٹی وی کیمروں لیس شاندار اور آرام دہ الیکٹرو بس میں سفر کریں گے۔ 20 روپے کرایہ ہوگا۔

 

طلبہ، بزرگوں،خواتین اور سپیشل پرسن کے الیکٹرو بس پر سفر بالکل مفت ہے۔

 

راولپنڈی شہر میں کے الیکٹرو بس کا روٹ ریلوے اسٹیشن سے ہمراہی بس ٹرمینل اور دوسرا روٹ فوارہ چوک سے کورال چوک تک ہوگا۔

 

الیکٹرو بس راولپنڈی کا تیسرا روٹ صدر اسٹیشن سے منور کالونی اور چوتھا روٹ مریڑ چوک سے موٹر وے چوک تک ہوگا۔

 

تقریب سے وفاقی وزیر ریلوے حنیف عباسی، رکن قومی اسمبلی طاہرہ اورنگزیب اور صوبائی وزیر ٹرانسپورٹ بلال اکبر نے بھی خطاب کیا۔