’’معذرت،کھانے کا اہتمام نہیں ہوگا‘‘۔ایک سال پراناشادی کارڈوائرل

ایک سال پراناشادی کارڈ سوشل میڈیا پر خوب وائرل ہورہا ہے جس نے اپنی غیر معمولی عبارت سے سب کی توجہ کھینچ لی ہے۔

اس پرگذشتہ سال کی تاریخ درج ہے۔

کارڈ وائرل ہونے کی خاص وجہ اس پر کھانے سے متعلق لکھا نوٹ ہے جس میں کہا گیا ہے کہ ’معذرت قبول کیجیئے، سنتِ نبوی کی پیروی کرتے ہوئے کھانے کا اہتمام نہ کرنے کا فیصلہ کیا گیا ہے۔

سوشل میڈیا پر لوگوں نے اس عمل کو تازہ ہوا کا جھونکا قرار دیتے ہوئے کہا کہ یہ قدم اس بات کی یاد دہانی ہے کہ خوشی کے موقع پر دکھاوا ضروری نہیں، بلکہ اصل اہمیت نیت، برکت اور سادگی کی ہوتی ہے۔

صارفین نے اس خاندان کی سادگی کی تعریف کی اور کہا کہ اگر ایسی سوچ فروغ پائے تو شادیوں میں فضول خرچی کم ہو سکتی ہے اور مذہبی و معاشرتی توازن بہتر طریقے سے قائم ہوسکتا ہے۔

وائرل شادی کارڈ نے سوشل میڈیا پر ایک بحث چھیڑ دی ہے کہ موجودہ دور کی شادیوں میں کیسے خوبصورت توازن پیدا کیا جا سکتا ہے۔