مقابلہ حسن منتظمین سے ٹکر لینے والی فاطمہ بوش مس یونیورس بن گئیں

تھائی لینڈ میں ہونے والے مس یونیورس 2025 کے فائنل میں میکسیکو کی 25 سالہ فاطمہ بوش نے تمام تنازعات اور دباؤ کے باوجود شاندار پرفارمنس سے مس یونیورس کا تاج اپنے نام کر لیا۔

مقابلے میں 120 ممالک کی حسیناؤں نے حصہ لیا، جس میں تھائی لینڈ کی امیدوار رنر اپ رہیں جبکہ وینزویلا اور فلپائن کی حسینائیں بھی ٹاپ فائیو میں شامل رہیں۔ پاکستان کی نمائندگی 25 سالہ روما ریاض نے کی، اور فلسطین کی پہلی حسینہ نادین ایوب بھی جلوہ گر ہوئیں۔

فائنل سے پہلے ڈرامائی صورتحال میں، تھائی ایونٹ ڈائریکٹر نے فاطمہ بوش کو سرعام سرزنش کرتے ہوئے بے وقوف کہا، جس پر فاطمہ نے واک آؤٹ کیا۔ دیگر شرکاء نے بھی ان کے ساتھ اظہار یکجہتی کیا۔ بعد ازاں ایونٹ آرگنائزر نے فاطمہ سے معافی مانگ لی۔

فاطمہ بوش نے فیشن ڈیزائن میں تعلیم حاصل کی ہے اور سماجی مسائل اجاگر کرنے کے لیے سرگرم رہتی ہیں۔ انہوں نے ستمبر 2025 میں مس میکسیکو کا ٹائٹل بھی اپنے نام کیا تھا۔ مس یونیورس کے دوران دیگر حادثات بھی پیش آئے، جن میں مس برطانیہ اور مس جمیکا کے پرفارمنس کے دوران گرنا شامل ہے، لیکن کوئی سنگین چوٹ نہیں آئی۔

تمام مسائل اور ڈرامائی حالات کے باوجود، فاطمہ بوش نے اپنی محنت اور حوصلے سے ججز اور ناظرین کو متاثر کیا اور مس یونیورس 2025 کا تاج جیتنے میں کامیاب رہیں۔