حادثے کے بعد تیجس طیارہ بنانے والی کمپنی کے شیئرز گر گئے

دبئی ایئر شو میں بھارتی  جیٹ تیجس گرنے کے بعد طیارہ سازکمپنی کے شیئرز گر گئے۔ہندوستان ایروناٹکس کے شیئرز میں 2.62 فیصد کمی آئی۔

عینی شاہدین کے مطابق طیارہ کرتب دکھاتے ہوئے تیزی سے زمین کی جانب آیا، رن وے کے قریب طیارہ زمین سے ٹکرایا، پھر شعلے بلند ہوئے۔

دبئی ایئر شو میں بھارتی طیارہ گرنے کے بعد دبئی ایئر شو عارضی طور پر معطل کردیا گیا۔

خیال رہے کہ تکنیکی خرابی کے باوجود طیارے کو ایئر شو میں شامل کیا گیا، آئل لیک کی وجہ سے تیجس طیارہ پہلے ہی سوشل میڈیا پر تماشہ بنا ہوا تھا۔

ترجمان بھارتی فضائیہ نے حادثے میں پائلٹ کی ہلاکت کی تصدیق کردی۔ترجمان کے مطابق حادثے کی وجوہات جاننے کیلئے تحقیقات شروع کردی گئی ہیں۔