اسحاق ڈار مدینہ منورہ میں حاضری کے بعد وطن واپس پہنچ گئے

نائب وزیراعظم و وزیر خارجہ اسحاق ڈار ماسکو اور برسلز کے سفارتی دوروں کے بعد مدینہ منورہ میں حاضری دے کر وطن واپس پہنچ گئے۔

وزارت خارجہ کے مطابق اسحاق ڈار نے 17 سے 19 نومبر تک ماسکو اور 19 سے 21 نومبر تک برسلز کا اہم دورہ کیا۔ واپسی پر مدینہ منورہ میں روزۂ رسول ﷺ کی زیارت کی اور پاکستان و امت مسلمہ کی سلامتی و خوشحالی کے لیے دعا کی۔

وزیر خارجہ کے دوروں میں دوطرفہ ملاقاتیں، بین الاقوامی تعاون اور علاقائی حالات پر بات چیت شامل تھی۔ ان دوروں کو پاکستان کی سفارتی سرگرمیوں میں اہم پیش رفت قرار دیا گیا ہے۔