26 نومبر احتجاج کیس:علیمہ خان عارضی عدالتی تحویل میں لے لی گئیں

انسداد دہشت گردی عدالت راولپنڈی کے حکم پر عمران خان کی ہمشیرہ علیمہ خان کو 26 نومبر کے احتجاج کیس میں عارضی عدالتی تحویل میں لے لیا گیا۔ علیمہ خان سمیت 11 ملزمان کے خلاف مقدمے کی سماعت جاری ہے۔

سماعت کے دوران علیمہ خان نے استدعا کی کہ وکیل سپریم کورٹ میں مصروف ہیں، انہیں جانے کی اجازت دی جائے، تاہم پراسیکیوٹر نے کہا کہ کرمنل پروسیجر کی سیکشن 351 کے تحت ملزمہ عدالتی تحویل میں ہے۔ عدالت نے ہدایت دی کہ علیمہ خان عدالتی احاطے سے باہر نہ جائیں۔

علیمہ خان کو خواتین پولیس اہلکار عدالت کے اندر لے گئے جبکہ ان کے وکیل فیصل ملک بھی عدالت پہنچ گئے۔ عدالت نے مقدمے میں کئی بار علیمہ خان کے وارنٹ گرفتاری جاری کیے ہیں۔