کراچی: وکلا کے ناصر شاہ سے مذاکرات کامیاب، احتجاج ختم کردیا

کراچی میں کارونجھر پہاڑ کی کٹائی کے خلاف احتجاج کرنے والے وکلا کے صوبائی وزیر ناصر شاہ سے مذاکرات کامیاب ہوگئے، وکلا کا وفد کمشنر ہاؤس سے واپس روانہ ہوگیا۔

کراچی بار ایسوسی ایشن کے صدر عامر نواز وڑائچ کی سربراہی میں وفد نے صوبائی وزیر ناصر شاہ سے ملاقات کی اور چارٹر آف ڈیمانڈ پیش کیا۔

ناصر شاہ نے وکلا سے کہا کہ آپ کی اور ہماری جہدوجہد مشترکہ ہے، کینال اور پانی ہمارا بھی ایشو ہے، یہ بھی حقیقت ہے کہ چیئرمین صاحب نے کینالز کا ایشو واپس کروایا ہے۔

ناصر حسین شاہ نے مزید کہا کہ کارونجھر کے مسئلہ پر ہم آپ کے ساتھ ہیں، اسمبلی میں آپ کی نمائندگی کروں گا۔