پنجاب میں بیوائوں کی جائیدادوں پر قبضوں کے کیسز ترجیحاً حل کرنے کا حکم

وزیراعلیٰ پنجاب مریم نواز شریف کی زیرصدارت اجلاس میں بیوائوں کے حقوق پر ڈاکہ ڈالنے والے غاصبوں کے خلاف سخت ایکشن کا فیصلہ کیا گیا ہے۔ وزیراعلیٰ نے بے سہارا بیوائوں کے قبضہ کیس ترجیحاً حل کرنے کا فوری حکم دے دیا۔

 

مریم نواز شریف نے روازنہ کی بنیاد پر غریبوں اور بے سہارابیوائوں کی جائیدادوں پر قبضہ کی رپورٹ پیش کرنے کی ہدایت۔انہوں نے کہا کہ جائیدادوں پر ناجائز قبضے کے خلاف ہرروزمانیٹرنگ کی جائے گی۔ وزیراعلیٰ نے آرڈیننس 2025 کے مکمل نفاذ کی ہدایت کی اورکہا کہ تمام اضلاع کے ڈپٹی کمشنرز روزانہ DRC اجلاس کریں جس کی مانیٹرنگ وزیراعلیٰ خود کریں گی۔

 

اجلاس میں بتایا گیا کہ پنجاب میں ناجائز قبضے کے خلاف حکومتی اقدامات کی اطلاع عوام تک پہنچانے کے لئے مساجد میں اعلانات کیے جائیں گے۔ وزیراعلیٰ نے ہر تحصیل میں اسسٹنٹ کمشنر آفس میں بھی قبضے کی درخواستیں وصول کرنے کی ہدایت کی۔

 

مریم نوازشریف نے گجرات،لیہ،حافظ آباد اوردیگراضلاع میں قبضے کے جلد فیصلے نہ ہونے پر اظہار ناپسندیدگی کیا۔

 

بریفنگ میں بتایا گیا کہ 3ہفتے میں پنجاب بھر میں ناجائزقبضے کے خلاف 2919درخواستیں موصول ہوئیں۔ ڈسٹرکٹ ڈسپیوٹ ریزولیشن کمیٹیوں نے 499کیس حل کردیئے۔وزیراعلی ٰ نے کہا کہ ناجائزقبضہ کے کیس کے جلد حل سے عوام کو فوری ریلیف دینا چاہتے ہیں۔تمام ڈپٹی کمشنر ناجائزقبضہ کیس پر روزانہ اجلاس کریں،خود مانیٹر کروں گی۔