فیلڈ مارشل عاصم منیر سے مصری وزیر خارجہ کی ملاقات

 

اسلام آباد: فیلڈ مارشل سید عاصم منیر سے مصر کے وزیر خارجہ ڈاکٹر بدر احمد محمد عبدالعاطی نے ملاقات کی، جس میں دونوں ممالک کے درمیان دفاعی اور سکیورٹی تعاون کو مزید مضبوط بنانے پر اتفاق کیا گیا۔

آئی ایس پی آر کے مطابق ملاقات کے دوران دوطرفہ تعلقات، عسکری روابط، تربیتی اشتراک اور خطے میں امن و استحکام کے امور کا جائزہ لیا گیا۔ ملاقات میں اس بات پر زور دیا گیا کہ دفاع اور دیگر سٹریٹجک شعبوں میں ہم آہنگی کو مزید بڑھایا جائے گا اور دیرینہ تعلقات کو مضبوط کیا جائے گا۔

مصری وزیر خارجہ نے مصر کی قیادت کی جانب سے نیک خواہشات بھی پہنچائیں اور پاکستان کے ساتھ ہر شعبے میں تعاون بڑھانے میں دلچسپی کا اظہار کیا۔ دونوں رہنماؤں نے خطے میں بدلتی ہوئی سکیورٹی صورتحال کے پیش نظر اعلیٰ سطحی رابطوں کے تسلسل کی اہمیت پر بھی زور دیا۔