ڈی آئی خان: پولیس موبائل پر بم حملہ، 3 اہلکار شہید

 

ڈی آئی خان کے علاقے پنیالہ میں پولیس موبائل پر بم دھماکے کے نتیجے میں 3 پولیس اہلکار شہید ہو گئے ہیں۔

پولیس کے مطابق شہید ہونے والوں میں اے ایس آئی گل عالم، کانسٹیبل رفیق اور ڈرائیور سخی جان شامل ہیں، جبکہ کانسٹیبل آزاد شاہ محفوظ رہے۔

اطلاع ملتے ہی ریسکیو ادارے اور پولیس موقع پر پہنچ گئے اور شہدا کی لاشوں کو اسپتال منتقل کیا جا رہا ہے۔ جائے وقوع سے شواہد بھی اکٹھے کیے جا رہے ہیں۔

دھماکے کے بعد ڈی ایس پی پنیالہ اور ایس ایچ او موقع پر پہنچ گئے، جبکہ علاقے کی ناکا بندی کر دی گئی ہے۔