وزیر خزانہ کی زیرصدارت گیارہواں این ایف سی اجلاس شروع

اسلام آباد: وزیر خزانہ کی زیرصدارت گیارہواں قومی مالیاتی کمیشن (این ایف سی) اجلاس جاری ہے، جس میں چاروں صوبوں کی نمائندگی بھی موجود ہے۔

اجلاس میں وفاقی حکومت اور صوبوں کے درمیان قومی وسائل کی تقسیم کے نئے فارمولا پر غور کیا جا رہا ہے۔ وزیر خزانہ محمد اورنگزیب اجلاس کی صدارت کر رہے ہیں جبکہ کمیشن کے دیگر ارکان اور صوبائی وزرائے خزانہ بھی اجلاس میں شریک ہیں۔

این ایف سی اجلاس میں تین نکاتی ایجنڈے پر بحث کی جا رہی ہے اور وفاق و صوبے اپنی مالیاتی پوزیشن کے بارے میں پریزینٹیشن دیں گے۔ اس کے علاوہ نئے این ایف سی ایوارڈ کے لیے آئندہ اجلاسوں کا شیڈول بھی طے کیا جائے گا۔